beetay kal ko yaad karna
guzari zindagi kay sath chalna
ik bay waja si bat lagti hai
barastay sawan ki pehli boond ko
muthi main band karkay
umeedon kay diye ankhon main basa kay
apnay pehlo main kissi
zaat e abadi ko talash karna
ik bay waja si bat lagti hai
sabar ki riyazaton main
hijar ki wiraaston main
sang sard raaton kay
dard kay safar par chalna
ik bay waja si bat lagti hai
magar safar to dard ka hai
zikar tahi damani e fard ka hai
is safar pay chaltay chaltay
apni khuahishon pay pari
bay basi ki gard ka hai
phir jab sard hawain
teray anganon say guzarain
or bikhartay paton ki zardi say
tumhara daman bharnay lagay
to soch kar yehi
apni ankhon ko poonch dena hai
kab ab ansoon say is gard ko dhona
sayee e bekaar lagti hai han
ik bay waja si baat lagti hai
..found it smwhere..thought i would share it
1 comment:
At 1st look, this might seem to be just some rhyming lines put together..
But a closer look reveals the hidden meaning in those lines...
What has been tried to convey is so true...
Keep sharing such valuable stuff!!
Post a Comment